QURAN -ALLAHIN ƏDALƏTLİ OLDUĞUNU, AĞLI İŞLƏTMƏYİ ƏMR ETDİYİNİ VƏ
ALLAHIN HƏR KƏSİ POTENSİALI QƏDƏR YÜKLƏDİYİNİ BİLDİRDİYİ HALDA AĞLINI VƏ
MƏNTİQİNİ POTENSİALLARI DAXİLİNDƏ OBYEKTİV ÇALIŞDIRARAQ İSLAMI İNKAR ETMƏK
NƏTİCƏSİNƏ GƏLƏN İNSANLARI ƏBƏDİ CƏHƏNNƏMƏ ATARAQ VƏHŞİCƏSİNƏ İŞGƏNCƏ EDƏCƏYİNİ-
DEMƏKLƏ ZİDDİYYƏT EHTİVA EDİR:
- Quran`da Allahın ədalətli olduğu və
zülm-haqsızlıq etmədiyi vurğulanır:
“Rəbbinin kəliməsi (Quran) doğruluq və
ədalət baxımından tamdır”. (6:115)
“(Qiyamət günü) Onlara zülm edilmədən
ədalətlə hökm edilər”. (10:54)
“Allah zərrə qədər haqsızlıq etməz”.
(4:40)
Bu
ayələr bizə bildirir ki, Quranın tanrısı insanlara qarşı ədalətli davranır (guya) və zərrə qədər haqsızlıq etmir.
- Eyni zamanda Quran Allahın hər bir kəsi
bacardığı qədər yüklədiyini bildirir:
“Allah hər kəsi öz potensialı qədər
mükəlləf edər”. (2:286)
Bu
ayədə Quran bizə bildirir ki, guya insanın
Allahın bütün əmrlərini –İslama inanmaq əmri də daxil olmaqla- yerinə yetirməyə
gücü çatır.
- Quran insanlara düşünməyi və ağlını
işlətməyi tövsiyə edir:
“Ağlınızı işlədəsiniz deyə Allah sizə
ayələrini belə açıqlayır.” (2:242)
“Allah əzabı ağıllarını işlətməyənlərə
verər”. (10:100)
Bu
ayələrdən belə anlayırıq ki, guya Allah ağlını işlədənləri sevir və ağlı işlətməyənlərə
əzab verir. Bir azdan Qurana görə bunun heç də belə olmadığını, hətta əksinə,
ağlını işlədənləri əzablandırdığını sizə göstərəcəm.
- Quran Allahın İslama inanmayanları əbədi
cəhənnəmə atacağını bildirir:
“İnkar edib ayələrimizi
yalanlayanlara gəlincə, onlar üçün alçaldıcı əzab vardır”. (22:57)
“İnkar edən və insanları Allahın
yolundan uzaqlaşdıranların çıxarmaqda olduqları fəsadlarına qarşılıq olaraq əzablarının
üstünə əzab artırarıq”. (16:88)
“İnkar edənlərin nə malları, nə də
övladları onları Allahdan qurtara bilməz. Onlar atəş əhlidirlər. (Diri-diri
yanan halda) Onlar orada əbədi qalacaqlar”. (3:116)
Deməli,
bir şəxs İslamın doğru din olduğuna inanmazsa, hətta xeyirxah və vicdanlı bir
insan olsa belə əbədi olaraq cəhənnəmdə mərhəmətsizcəsinə tüklərürpərdici işgəncə
görəcək (hum fihə xalidun):
“100000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000...
Sonsuz illər boyunca dəhşətli əzab! Bu mərhəmətli Allah anlayışıyla ziddir”.
- Quranda İslamın doğru din olduğuna
şübhə edənlərin şübhələndiklərinə qarşılıq olaraq əbədi cəhənnəm əzabına məruz
qalacağı iddia edilir:
“Doğrusu, onlar mənim zikrimdən
(Qurandan) şübhə içindədirlər. Onlar mənim əzabımı hələ dadmayıblar”. (38:8)
“Fəqət onlar (kafirlər) şübhə içində
oynayırlar”. (44:9)
“Atın cəhənnəmə hər şübhə edən
kafiri!” (50:24-25)
Qeyd: Ayə uyduranda elə şey uydurmaq lazımdır ki, heç olmasa ağıllı
adamları inandıran bir tərəfi olsun.
Deməli,
bir şəxs İslamın doğru din olub-olmadığı barəsində (məsələn, Hz.Muhəmmədin
elçiliyi, axirətin varlığı, Allahın varlığı, Musanın dənizi yarması, Süleymanın
qarışqayla danışması və s.) şübhə içində olarsa kafir (inkarçı) olduğu üçün əbədi
olaraq cəhənnəmdə tüklər ürpərdici işgəncəyə məruz qalacaq.
Buraya
qədər mövzuya dair ayələri göstərdim. İndi mövzunun anlaşılması üçün “inanmaq”
barədə mühüm bir neçə söz deyək. Sizə “dəvənin iynənin dəliyindən keçməyi
mümkündür” desəm, inanarsınız mı? Ağıl sahibi buna inanmaz. “Buna
inanıb/inanmamaq sizin öz seçiminizdir, yoxsa həyat təcrübənizin sizdə
yaratdığı məntiq vasitəsi ilə qısa müddətdə gəldiyiniz nəticədir?” deyə
soruşsam ağıl sahibi hər kəs inanmağın seçim yox, insanın içindən gələn bir
şey, yaxud məntiqi nəticə olduğunu deyər. Deməli,
inanmaq seçim yox, insanın gəldiyi fikri nəticədir. İslam insanın gələcəyi
fikri nəticənin fərqli olduğuna səbr göstərə bilmir və özünün elm xarici, məntiqsiz
bir din olduğunu biruzə verir. Çünki şübhələnmək, düşünmək, ağıl yürütmək və
soğrulamaq elmin əsas prinsiplərindəndir. İslam dini isə bu prinsiplərlə ya
birbaşa, ya da dolayı yolla paradoksdadır.
Mövzunun
anlaşılması üçün “şübhələnmək” haqqında da bir neçə söz demək lazımdır. “Şübhə
etmək” insan beyninin bir funksiyasıdır. Bu funksiya həyatda baş verə biləcək təhlükələrə
qarşı, insanın müdafiə mövqeyinə keçməyinə səbəb olur. İnsanın hər hansı bir
mövzuda şübhə etməyi olduqca (!) təbiidir və ağlını çalışdıran hər kəsin
şübhələnməsi qaçınılmazdır. Quranın bir tərəfdə ağlı işlətməyə çağırması, digər
tərəfdə isə şübhə etməyi əbədi cəhənnəmlik günah sayması bu kitabın həm özü ilə,
həm də gerçəkliklə açıq-aydın ziddiyyətdə olduğunu göstərir.
İndi
gəlin Quranın bu mövzularda gözdən qaçan tutarsızlıq və ziddiyyətlərinə baxaq:
İlk
olaraq Quranın özü-özünü ifşa etdiyi ayəyə nəzər salaq:
“Onlar hələ də Quranı düşünüb
anlamağa çalışmırlar mı? Əgər o Allahdan başqası tərəfindən olsaydı, mütləq
onda bir çox ziddiyyət tapardılar”. (4:82)
Bir
insan düşünün. Həyatındakı ən xırda məişət işlərində belə öz mənfəətini təmin
etmək üçün şübhələnirsə, bu cür qarışıq və böyük bir mövzuda şübhə etməyin daha
mühüm olduğunu bilərək səmimi və obyektiv gözlə həqiqət axtarışına çıxır. Onun qarşısında onlarla din var. Bir neçə məşhur
dini araşdırmağa başlayır və növbə onlardan biri olan İslama gəlir. Obyektiv
araşdıran şəxs İslamın necə din olduğunu anlamaq üçün Qurana və hədislərə
müraciət edir. Hər bir cəsur düşünən insan kimi (istər müsəlman, istər qeyrisi
olsun) o, İslamda çoxlu ziddiyyət, tutarsızlıq, məntiqə və vicdana zidd şeylər
görür və qərara gəlir ki bu uydurma dindir – eyni ilə digər dinlər kimi. Dinləri
araşdırdıqdan sonra heç birinin obyektiv düşüncə ilə uzlaşmadığını bilərək məntiqi
nəticəyə gəlir- aqnostik/ateist/deist yaxud panteist olur. Həyatını vicdanlı
bir şəkildə yaşamağa qərar verir.
İslama
görə bu insan dini inkar etdiyi və inanmadığı üçün əbədi olaraq cəhənnəmdə ən
tükürpədici cəzalara – qaynar su (yaxud əridilmiş qurğuşun), irin içməyə, atəşin
dərisini qovurmasına məruz qalacaq. Heç bitməyən, sonsuz bir əzab!
İnsana
ağlını işlətməyi tövsiyə edən, Allahın hər kəsi potensialı qədər yüklədiyini
iddia edən də Qurandır. Ancaq gördük ki, əslinə qalsa, heç də belə deyil.
Ağlını işlədib, düşünən və öz potensialı daxilində həqiqəti araşdıran kəs cəzaya
layiq bir iş görmüş olur. BU QURANIN AÇIQ-AYDIN VƏ ƏN BÖYÜK ZİDDİYYƏTİDİR! Burada
gözdən qaçan incə məqam budur: Hz.Muhəmməd
Quranı yazarkən/yazdırarkən insanların fərqli düşünməsinin təbii və normal
olduğunu, hər kəsə eyni prinsiplərlə
yanaşmağın obyektiv olaraq yanlış olduğunu və insanların xarakter və tiplərinin
eyniləşdirilməsinin mümkünsüzlüyünü anlaya bilməyib. Bu anlayışsızlıq səbəbi
ilə müsəlmanlar, İslama qane olmayanları “nəfsinə uyan”, “cahil”, “azmış”
adlandırırlar. Yəni, onlar İslamın hər kəsi əqli, məntiqi və vicdani olaraq
qane edə biləcək bir din olduğunu düşünürlər. Halbuki, gerçəklikdə olan tamamilə
fərqlidir. Problemi, başqa yöndən ələ alsaq
deyə bilərik ki, müsəlmanlar hər bir hadisəni öz inanclarına dayandırır və öz
inanclarına görə yozurlar. Biz dinsizlər isə, bir hadisəni incələyərək hər
hansı bir nəticəyə gəlirik.
Hiç yorum yok:
Yorum Gönder